Ruslveisla— Matarganga & opið eldhús

Hönnuðurinn Elín Margot og kokkurinn Pola Sutryk bjóða gestum að ganga með sér umhverfis Tjörnina í leit að hráefni sem svo er nýtt í opnu eldhúsi. Saman breytum við hráefnum úr náttúru og ruslafötum borgarinnar í dýrindismáltíð, sköpum nýjar uppskriftir og gerum rusl að sannkölluðum fjársjóði.

Pola Sutryk er kokkur, listakona og kennari sem vinnur með hráefni sem finnast í umhverfi okkar og hefðbundna heimamatreiðslu. Hún nýtir skynjun sína og vistfræðilega og pólitíska næmni og yfirfærir á svið matar og menningar.

Elín Margot er rannsakandi hönnuður sem storkar viðteknum hugmyndum og færir okkur innsýn í mögulega framtíð með hönnun hluta, viðburða og upplifana.

Viðburðurinn fer fram á ensku.

Ljósmynd: Curro Rodriguez