Ýtið hér fyrir nánari aðgengislýsingu og skynlýsingu á viðburði

Sýningin fer fram í ófrágengnu verslunarrými í húsi Landsbankans á horni Reykjastrætis og Tryggvagötu. Lágur rampur liggur inn í rýmið. Gólfið er gróft steinsteypugólf. Tvö rúmgóð salerni eru í rýminu en þau eru ekki með stuðningsslár. Aðgengileg salerni eru á Hafnartorgi, á móti rýminu. Fimm sérmerkt bílastæði fyrir hreyfihamlaða eru í bílastæðahúsinu í Reykjastræti. Einnig eru tvö stæði í Pósthússtræti.

Á yfirlitssýningu Sköpunarmiðstöðvarinnar verða sýnd verk eftir listafólk sem tengst hefur miðstöðinni og dvalið þar í vinnustofu en miðstöðin hlaut Eyrarrósina árið 2025. Sköpunarmiðstöðin var stofnuð árið 2011 og hefur þróast sem menningarmiðstöð og alþjóðleg vinnustofudvöl sem styður við listræna sköpun, miðlun og tilraunastarfsemi  á Austurlandi. 

Sýning þessi varpar ljósi á rúman áratug  af skapandi starfsemi miðstöðvarinnar sem einkennist  af fjölbreyttum listformum, vinnuaðferðum og list rænu samstarfi. 

Opnun: 1. júní kl. 17:00
Opnunartími: Daglega 12:00–17:00

Auðlesinn texti:

Sköpunar·miðstöðin heldur listasýningu.

Sýningin er í nýja húsi Landsbankans.

Þau hafa öll unnið að list í Sköpunar·miðstöðinni.

Sýningin sýnir 10 ára starf miðstöðvarinnar.

Sköpunar·miðstöðin er á Austurlandi.

Sköpunar·miðstöðin fékk Eyrarrósina árið 2025.

Eyrarrósin eru verðlaun sem Listahátíð í Reykjavík veitir.

Staðir úti á landi sem vinna að list.

medium

Aðgengi í Hallgrímskirkju er almennt gott. Auðvelt er að komast inn og um húsið. Aðgengileg salerni eru til hægri í andyri. Hægt er að óska eftir hjólastólastæði. Fjögur sérmerkt bílastæði fyrir hreyfihamlaða eru við húsið.

Kynlaust salerni er til hægri í andyri.

Tveimur áhrifamiklum tónskáldum verður teflt saman á tónleikum Kórs Hallgrímskirkju á Listahátíð í Reykjavík, þeim Hildi Guðnadóttur, hátíðarlistamanni Listahátíðar 2026 og Jóni Nordal sem hefði orðið 100 ára vorið 2026. Á tónleikunum verða flutt nokkur af kórverkum Hildar ásamt Toccötu Jóns Nordal fyrir orgel og stórvirki hans, Óttusöngvum á vori (1993) fyrir kór, sópran, kontratenór, orgel, selló og slagverk. Meðal flytjenda eru Álfheiður  Erla Guðmundsdóttir, sópran, Hanna Dóra Sturludóttir mezzósópran og Björn Steinar Sólbergsson, organisti. Stjórnandi er Steinar Logi Helgason.

Á tónleikunum eru spiluð verk eftir 2 tónskáld.

Tónskáldin eru Jón Nordal og Hildur Guðnadóttir.

Hún er hátíðar·listamaður Listahátíðar árið 2026.

Kór Hallgríms·kirkju syngur á tónleikunum.

Á tónleikunum er líka spilað á hljóðfæri.

Tónleikar Kórs Hallgrímskirkju á verkum Hildar Guðnadóttur og Jóns Nordal

Aðgengi í Eldborg er almennt gott. Auðvelt er að komast inn og um hús og lyftuaðgengi er á milli hæða. Átta hjólastólastæði eru í Eldborg. Aðgengileg salerni eru á öllum hæðum Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft.

Kynlaus salerni eru við efri bílakjallara og á gangi á 2.hæð. Aðgengileg salerni eru líka kynlaus og eru þau á öllu hæðum Hörpu.

John Grant heldur stórtónleika ásamt hljómsveit í Eldborg í Hörpu, hans fyrstu hérlendis um langa hríð.

John Grant hefur um árabil verið búsettur á Íslandi og  gegnt áberandi hlutverki í innlendu og alþjóðlegu tónlistar­lífi, bæði sem lagahöfundur og flytjandi. Ferill hans spannar rúmlega tvo áratugi og einkennist af fjölbreyttum stílbrögðum, einlægni og beittum húmor. Áhrifa miklir textar hans hafa snert áheyrendur um heim allan enda  er hann þekktur fyrir að fjalla um eigin lífs reynslu á heiðarlegan og hispurslausan hátt. Plötur hans hafa hlotið lof gagnrýnenda og skipað honum sess á meðal eftirtektarverðustu listamanna samtímans.

Á tónleikunum í Eldborg flytur tónlistarmaðurinn úrval laga frá ferli sínum, þar á meðal lög af nýjustu plötunni, The Art of the Lie sem kom út árið 2024 og hlaut frábæra dóma. John Grant er þekktur fyrir einstaka rödd og sterka nærveru á sviði.

Tónlistarkonan RAKEL hitar upp fyrir John Grant ásamt hljómsveit sinni. Hún hefur á undanförnum árum skapað sér sérstöðu í íslenskri tónlistarsenu með einstæðum hljóm og marglaga tónsmíðum.

Auðlesinn texti:

John Grant er bandarískur tónlistar·maður.

John heldur stór·tónleika í Eldborg í Hörpu.

Þetta eru fyrstu tónleikarnir hans á Íslandi í langan tíma.

Á tónleikunum spilar hann ný og gömul lög.

Listahátíð í Reykjavík fer fram 30. maí - 14. júní 2026.

VALMYND

Hinum megin og Gallerí Kichin bjóða öll velkomin á finisage í Kling & Bang næstkomandi laugardag frá 17:00-20:00.
Halla Einarsdóttir flytur gjörning og „Contemporary Nail” býður gestum og gangandi upp á sérstakar lista-neglur svo endilega mætið með tóman striga.

Dagskrá
17:00 - Nagla-snyrtistofa „Contemporary Nail”.
18:00 - Halla Einarsdóttir fer með gjörning.

Gallerí Kichin var stofnað af þeim Skúla Thayer og Silju Rún Högnadóttir þegar þau hófu nám við Listaháskóla Íslands. Galleríið er helst þekkt fyrir sýningarröðina Skúlptúr vikunnar. Á Listahátíð í ár hafa þau haldið sex opnanir á sýningartímabilinu þar sem rjómi íslenskrar listakreðsu hefur sýnt listir sínar. 

Hinum Megin er brakandi nýtt sýningarstjóra- og hönnunarteymi stofnað af þeim Hugo Llanes, Janosch Bela Kratz og Katerina Spathi. Á sýningu þeirra birtist landsvæði og hverfur á ný, ekki aðeins sem áþreifanlegur staður, heldur sem fyrirbæri sem mótast af valdi, auðlindanýtingu, brottflutningi og sameiginlegu minni.

Listahátíð í Reykjavík 2026 er nú lokið. Um 60 viðburðir á 16 dögum og yfir 1200 flytjendur! Við erum þakklát starfsfólki, sjálfboðaliðum, samstarfsaðilum, hátíðargestum og öllu framúrskarandi listafólkinu sem gerðu þessa hátíð ógleymanlega. 

Takk fyrir að taka þátt þessari ævintýralegu veislu og sjáumst á Listahátíð 2028!

Takk fyrir komuna á Listahátíð í Reykjavík 2026

Laugardaginn 30. maí var Listahátíð í Reykjavík sett í 35. sinn við hátíðlega athöfn í Listasafni Reykjavíkur, Hafnarhúsi. Gestir fjölmenntu á opnunarhátíðina þar sem boðið var upp á tónlist, dans, myndlist og fjölbreytta dagskrárliði sem gáfu innsýn í það sem fram undan er á hátíðinni. Dagurinn einkenndist af gleði, eftirvæntingu og lifandi menningarlífi víðs vegar um miðborgina.

Fram undan eru 16 dagar af listviðburðum þar sem boðið verður upp á um 60 viðburði af öllu tagi. Að hátíðinni koma hátt í 1.300 listamenn frá Íslandi og erlendis sem skapa einstakt tækifæri til að upplifa fjölbreytta samtímalist, tónlist, sviðslistir og skapandi verkefni fyrir alla aldurshópa.

Einn af hápunktum dagsins var frumflutningur tónverksins Loftvægi eftir Samúel Jón Samúelsson á Hörputorgi þar sem fjórar skólahljómsveitir Reykjavíkur sameinuðust í kraftmiklum flutningi með hátt í 600 ungmennum. Gestir nutu einnig loftfimleika- og dansverksins The Air Between Us, sýninga í söfnum borgarinnar og fjölbreyttrar dagskrár sem markaði upphaf hátíðarinnar.

Dagurinn endaði svo með opnun Klúbbs Listahátíðar í Iðnó. Fyrir utan húsið hófst þátttökuverkið Brothætt, þar sem gestir eru hvattir til að umbreyta brotnum munum í sameiginlegt listaverk og stendur yfir alla hátíðina. Inni í Klúbbnum var síðan frumsýnt dansverkið Move With Pride eftir Rebeccu „Ondina“ Hidalgo í samstarfi við Íslenska dansflokkinn. Verkið, sem sameinar dans, tónlist og persónulegar frásagnir, var stórbrotið sjónarspil sem hreif áhorfendur með sér. Húsið var troðfullt og stemningin einstök þegar verkið setti tóninn fyrir líflegt opnunarkvöld og geggjaða dagskrá Klúbbsins á hátíðinni. Allir viðburðir Klúbbs Listahátíðar eru gjaldfrjálsir og opnir öllum.

Listahátíð í Reykjavík 2026 er hafin

Í Klúbbi Listahátíðar er boðið upp á fjölda spennandi viðburða á meðan á hátíð stendur og eru allir viðburðir ókeypis og öll velkomin

Listahátíð er vettvangur fyrir listsköpun í hæsta gæðaflokki frá öllum heimshornum en á líka í kröftugu og lifandi sambandi við almenning í landinu og leitast við að tendra áhuga sem flestra til að taka þátt og njóta lista á eigin forsendum. 

Listahátíð fagnar fjölbreytileika mannlífsins og setur aðgengi og virðingu fyrir umhverfinu í forgang. Við verkefnaval hefur hátíðin faglegan metnað, kjark, lífsgleði og stórhug að leiðarljósi. 

Takk fyrir komuna á Listahátíð í Reykjavík 2026!

Velkomin á Listahátíð í Reykjavík

Dagskrá

Sköpunarmiðstöðin Yfirlitssýning

Samhljómur kynslóða

John Grant

Klúbbur Listahátíðar

Festival Hub

Fréttir

Finisage í Kling & Bang

Takk fyrir komuna á Listahátíð í Reykjavík 2026

Listahátíð í Reykjavík 2026 er hafin

Skráðu þig á póstlista