Ýtið hér fyrir nánari aðgengislýsingu og skynlýsingu á viðburði

Aðgengi að Litla sviði Borgarleikhússins er almennt gott. Betra aðgengi er inn um útidyrahurð sem snýr að Verzlunarskólanum en hurðaopnari er við þá útidyrahurð. Auðvelt er að komast um húsið. Tvö hjólastólastæði eru í öftustu röð í salnum. Aðgengilegt salerni er í húsinu. Þrjú sérmerkt bílastæði fyrir hreyfihamlaða eru við húsið.

Hægt er að fá lánaða peltora (hljóðeinangrandi heyrnatól).

Íslenski dansflokkurinn tekur yfir Litla svið Borgarleikhússins með Þar sem við mætumst, samsköpunarverki dansara flokksins. Í líkama dansarans býr uppsöfnuð reynsla, minni og þekking sem mótast hefur í gegnum ótal sköpunarferli. 

Í verkinu fá dansararnir rými til sjálfstæðrar sköpunar, þar sem þau leiða ferlið sjálf og ögra hefðbundnum valdastrúktúr með því að stíga samtímis inn í hlutverk dansara og danshöfundar. Áhorfendum er boðið upp á kvöldstund þar sem ólíkar raddir mætast í sameiginlegri hugleiðingu um kraftinn sem felst í hlustun og samhljómi.

Sýningar: 
10. júní kl. 20:00
11. júní kl. 20:00

Verkið er eftir dansara frá Íslenska dansflokknum.

Verkið er á Litla sviðinu í Borgar·leikhúsinu.

medium

Ýtið hér fyrir ítarlegri lýsingu á aðgengi og skynlýsingu viðburðar

Aðgengi í Austurbæjarbíó er almennt gott. Auðvelt er að komast inn og um húsið. Tröppur eru inn í sal og upp á aðra hæð en pallalyftur eru á milli allra hæða sem gestir geta notað sjálfir. Við húsið er ekki sérmerkt bílastæði fyrir hreyfihamlaða en beint fyrir utan er sleppisvæði. Þrjú bílastæði eru á götunum í nágrenninu.

Þessi viðburður verður textaður. Á staðnum verður QR kóði sem gesti geta skannað og leiðir þá að heimasíðu með lifandi textun.

Aðgengilegt salerni á 1. hæð er kynlaust salerni.

Fischersund og Listahátíð í Reykjavík kynna fyrstu ilmtónleika á Íslandi með Jónsa, Kjartani Holm og SinFang. Rétt eins og tónlist byggir ilmgerð á samspili ólíkra tóna. Allt frá efstu tónunum til þeirra dýpstu, frá ferskum yfir í höfga, frá hverfulum yfir í langlífa. Þótt ilmgerð hafi verið í forgrunni hjá Fishersundi snýst hugmyndafræði þeirra um að skapa heildstæðan heim þar sem flest skilningarvit gesta eru virkjuð í gegnum lykt, hljóð og sjón. Ilmtónleikar Fischersunds eru einstök upplifun þar sem ilmur, tónlist og myndlist renna saman í sannkallað skynjunarferðalag sem kitlar nef, eyru og augu áhorfenda. Tónlistarmennirnir Jónsi úr SigurRós, Sin Fang og Kjartan Holm flytja tónverk sín sem endurspegla óefnislegan ilm Fischersunds, Ingibjörg Birgisdóttir vinnur myndbandsverk fyrir tónleikana og Lilja Birgisdóttir leiðir okkur í gegnum ævintýrið.

Hópurinn býr líka til tónlist og myndlist.

Fischersund er með ilm·tónleika á Listahátíð.

Tónleikarnir eru í Austur·bæjarbíói.

Tónleikarnir verða ekki venjuleg upplifun.

Þú getur séð heimasíðuna í símanum þínum.

Aðgengi í Silfurbergi er almennt gott. Auðvelt er að komast inn og um hús og lyftuaðgengi er á milli hæða. Sérmerkt hjólastólastæði eru í miðjum sal. Aðgengileg salerni eru á öllum hæðum Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft.

Kynlaus salerni eru við efri bílakjallara og á gangi á 2. hæð. Aðgengileg salerni eru líka kynlaus og eru þau á öllu hæðum Hörpu.

LOVE LOVE er tónlistargjörningur eftir Arnbjörgu Maríu Danielsen. Í verkinu fléttast hljóð, hreyfing og efnisleg nærvera saman í opið kerfi. Höfundurinn tekur saman höndum við danshöfundinn Leuh Marojević, Ensemble Adapter (Matthias Engler og Gunnhildur Einarsdóttir) og Sölku Valsdóttur. Í verkinu leysa þau upp mörkin milli tónlistar, líkama og efnislegra hluta.

Í þungamiðju LOVE LOVE er leikurinn eilífi – leikur án stiga, án sigurvegara, án endapunkts en opinn fyrir truflun.

Í tennis merkir love núll stig: hið magnþrungna hlé áður en eitthvað hefst á ný.

LOVE LOVE er framleitt af marvöðu, styrkt af Tónlistarsjóði og frumflutt á Listahátíð í Reykjavík.

Listaverkið er eftir Arnbjörgu Maríu Danielsen

Love love er sýnt í Silfurbergi í Hörpu.

Listahátíð í Reykjavík fer fram 30. maí - 14. júní 2026.

VALMYND

Hinum megin og Gallerí Kichin bjóða öll velkomin á finisage í Kling & Bang næstkomandi laugardag frá 17:00-20:00.
Halla Einarsdóttir flytur gjörning og „Contemporary Nail” býður gestum og gangandi upp á sérstakar lista-neglur svo endilega mætið með tóman striga.

Dagskrá
17:00 - Nagla-snyrtistofa „Contemporary Nail”.
18:00 - Halla Einarsdóttir fer með gjörning.

Gallerí Kichin var stofnað af þeim Skúla Thayer og Silju Rún Högnadóttir þegar þau hófu nám við Listaháskóla Íslands. Galleríið er helst þekkt fyrir sýningarröðina Skúlptúr vikunnar. Á Listahátíð í ár hafa þau haldið sex opnanir á sýningartímabilinu þar sem rjómi íslenskrar listakreðsu hefur sýnt listir sínar. 

Hinum Megin er brakandi nýtt sýningarstjóra- og hönnunarteymi stofnað af þeim Hugo Llanes, Janosch Bela Kratz og Katerina Spathi. Á sýningu þeirra birtist landsvæði og hverfur á ný, ekki aðeins sem áþreifanlegur staður, heldur sem fyrirbæri sem mótast af valdi, auðlindanýtingu, brottflutningi og sameiginlegu minni.

Listahátíð í Reykjavík 2026 er nú lokið. Um 60 viðburðir á 16 dögum og yfir 1200 flytjendur! Við erum þakklát starfsfólki, sjálfboðaliðum, samstarfsaðilum, hátíðargestum og öllu framúrskarandi listafólkinu sem gerðu þessa hátíð ógleymanlega. 

Takk fyrir að taka þátt þessari ævintýralegu veislu og sjáumst á Listahátíð 2028!

Takk fyrir komuna á Listahátíð í Reykjavík 2026

Laugardaginn 30. maí var Listahátíð í Reykjavík sett í 35. sinn við hátíðlega athöfn í Listasafni Reykjavíkur, Hafnarhúsi. Gestir fjölmenntu á opnunarhátíðina þar sem boðið var upp á tónlist, dans, myndlist og fjölbreytta dagskrárliði sem gáfu innsýn í það sem fram undan er á hátíðinni. Dagurinn einkenndist af gleði, eftirvæntingu og lifandi menningarlífi víðs vegar um miðborgina.

Fram undan eru 16 dagar af listviðburðum þar sem boðið verður upp á um 60 viðburði af öllu tagi. Að hátíðinni koma hátt í 1.300 listamenn frá Íslandi og erlendis sem skapa einstakt tækifæri til að upplifa fjölbreytta samtímalist, tónlist, sviðslistir og skapandi verkefni fyrir alla aldurshópa.

Einn af hápunktum dagsins var frumflutningur tónverksins Loftvægi eftir Samúel Jón Samúelsson á Hörputorgi þar sem fjórar skólahljómsveitir Reykjavíkur sameinuðust í kraftmiklum flutningi með hátt í 600 ungmennum. Gestir nutu einnig loftfimleika- og dansverksins The Air Between Us, sýninga í söfnum borgarinnar og fjölbreyttrar dagskrár sem markaði upphaf hátíðarinnar.

Dagurinn endaði svo með opnun Klúbbs Listahátíðar í Iðnó. Fyrir utan húsið hófst þátttökuverkið Brothætt, þar sem gestir eru hvattir til að umbreyta brotnum munum í sameiginlegt listaverk og stendur yfir alla hátíðina. Inni í Klúbbnum var síðan frumsýnt dansverkið Move With Pride eftir Rebeccu „Ondina“ Hidalgo í samstarfi við Íslenska dansflokkinn. Verkið, sem sameinar dans, tónlist og persónulegar frásagnir, var stórbrotið sjónarspil sem hreif áhorfendur með sér. Húsið var troðfullt og stemningin einstök þegar verkið setti tóninn fyrir líflegt opnunarkvöld og geggjaða dagskrá Klúbbsins á hátíðinni. Allir viðburðir Klúbbs Listahátíðar eru gjaldfrjálsir og opnir öllum.

Listahátíð í Reykjavík 2026 er hafin

Í Klúbbi Listahátíðar er boðið upp á fjölda spennandi viðburða á meðan á hátíð stendur og eru allir viðburðir ókeypis og öll velkomin

Listahátíð í Reykjavík 2026 fór fram 30. maí til 14. júní 2026. 

Listahátíð er vettvangur fyrir listsköpun í hæsta gæðaflokki frá öllum heimshornum en á líka í kröftugu og lifandi sambandi við almenning í landinu og leitast við að tendra áhuga sem flestra til að taka þátt og njóta lista á eigin forsendum. 

Listahátíð fagnar fjölbreytileika mannlífsins og setur aðgengi og virðingu fyrir umhverfinu í forgang. Við verkefnaval hefur hátíðin faglegan metnað, kjark, lífsgleði og stórhug að leiðarljósi. 

Takk fyrir komuna á Listahátíð í Reykjavík 2026!

Velkomin á Listahátíð í Reykjavík

Dagskrá

Þar sem við mætumst

Ilmtónleikar Fischersunds

LOVE LOVE

Klúbbur Listahátíðar

Festival Hub

Fréttir

Finisage í Kling & Bang

Takk fyrir komuna á Listahátíð í Reykjavík 2026

Listahátíð í Reykjavík 2026 er hafin

Skráðu þig á póstlista