Ýtið hér fyrir nánari aðgengislýsingu og skynlýsingu á báðum stöðum

Eskifjarðarkirkja: Aðgengi að Eskifjarðarkirkju er almennt gott. Auðvelt er að komast inn og um hús. Ekki er sérstakt hjólastólastæði fyrir áhorfendur en auðvelt að koma slíku fyrir. Aðgengilegt salerni er í húsinu. Tvö sérmerkt bílastæði fyrir hreyfihamlaða eru við húsið.  

Norðurljós: Aðgengi í Norðurljósum er almennt gott. Auðvelt er að komast inn og um hús og lyftuaðgengi er á milli hæða. Sérmerkt hjólastólastæði eru í Norðurljósum. Aðgengileg salerni eru á öllum hæðum Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft.

Norðurljós: Tónmöskvi er í Norðurljósum.

Stefán Ragnar Höskuldsson, flautuleikari, er í hópi íslensks tónlistarfólks sem náð hefur einstökum árangri í hinum alþjóðlega tónlistarheimi.

Stefán var fyrsti flautuleikari Metropolitan-óperunnar í New York frá 2008 til 2016 og hjá Sinfóníuhljómsveitinni í Chicago frá 2015 til 2025. Síðastliðið haust tók hann við stöðu fyrsta flautuleikara Fílharmóníusveitarinnar í Berlín. Hann kemur einnig reglulega fram sem einleikari og gestakennari víða um heim.

Það er mikið tilhlökkunarefni að Stefán Ragnar komi nú fram í fyrsta sinn á Listahátíð í Reykjavík. Tónleikarnir fara fram bæði í Reykjavík og á æskuslóðum Stefáns fyrir austan, í Tónlistarmiðstöð Austurlands. Hér gefst einstakt tækifæri til að hlýða á Stefán Ragnar leika með góðvinum sínum, Sigurgeiri Agnarssyni, sellóleikara, og Liam Kaplan, píanóleikara. Á efnisskránni verða verk eftir tónskáld á borð við Prokofiev, Villa-Lobos og Mendelssohn.

Stefán heldur 2 tónleika á Listahátíð í Reykjavík.

2. júní í Eskifjarðarkirkju á Austurlandi

Á tónleikunum eru líka sellóleikari og píanóleikari

Á tónleikunum eru meðal annars spiluð verk eftir:

Það er gott aðgengi á báða tónleikana.

medium

Ýtið hér fyrir nánari aðgengislýsingu og skynlýsingu á viðburði

Aðgengi í Norðurljósum er almennt gott. Auðvelt er að komast inn og um hús og lyftuaðgengi er á milli hæða. Sérmerkt hjólastólastæði eru í Norðurljósum. Aðgengileg salerni eru á öllum hæðum Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft.

Kynlaus salerni eru við efri bílakjallara og á gangi á 2. hæð. Aðgengileg salerni eru líka kynlaus og eru þau á öllu hæðum Hörpu.

Venutian Wetland er sviðsett tónverk þar sem hreyfingar og tónar renna saman í eitt. Flautuseptettinn viibra birtist sem sjálfskipuð heild samlifandi lífvera, laus við mann­lega skynjun og bundin sífelldri umbreytingu í framandi umhverfi handan marka hins jarðneska raunveruleika. 

Lífverurnar eiga sér brothætta samvist þar sem mörk einstaklings og heildar leysast upp, og aðlögun er ekki val heldur nauðsyn. Ósýnileg efnasamskipti flæða á milli þeirra, seig og óstöðvandi, og drífa áfram umbreytingu á formi, virkni og tilvist. Þannig þróast hljóðheimur sem minnir fremur á lifandi vistkerfi en samveru lífvera. viibra var stofnaður árið 2016 í tengslum við plötu Bjarkar, Utopia. 

Hópurinn er hvað þekktastur fyrir þátttöku sína í hinu margrómaða tónlistarverki Bjarkar, Cornucopia, sem sýnt var um heim allan á árunum 2018 til 2023. 

viibra kannar margslunginn hljóðheim flautunnar en meðlimir hópsins eru allar virkir þátttakendur í íslenskri tónlistarsenu, ekki einungis sem flytjendur heldur einnig sem tónskáld og kennarar sem nálgast tónlistarsköpun með fjölbreyttum og nýstárlegum aðferðum. Fyrsta plata viibru kom út árið 2024.

Venutian Wetland er styrkt af Starfslaunum Listamanna, Tónlistarsjóði og Borgarsjóði. 

Hópurinn viiibra flytur Venutian Wetland.

Tónlistin er eftir Bergþóru Snæbjörns·dóttur.

Tónleikarnir eru í Norðurljósum í Hörpu.

Aðgengi að Stóra sviði Borgarleikhússins er almennt gott. Betra aðgengi er inn um útidyrahurð sem snýr að Verzlunarskólanum en hurðaopnari er við þá útidyrahurð. Auðvelt er að komast um húsið. Tvö hjólastólastæði eru í salnum. Aðgengilegt salerni er í húsinu. Þrjú sérmerkt bílastæði fyrir hreyfihamlaða eru við húsið.

Þessi viðburður verður textaður. Á staðnum verður QR kóði sem gestir geta skannað og leiðir þá að heimasíðu með lifandi textun.

Hægt er að fá lánaða peltora (hljóðeinangrandi heyrnatól).

Sannkölluð gleðisprengja með trommuleik, dansi og söng frá hinni heimsþekktu sveit Ingoma Nshya, fyrstu kvennatrommusveit Rúanda. Í Rúanda þýðir orðið ingoma bæði vald og tromma. 

Árið 2004 var hópur kvenna að leita leiða til að endurheimta styrk, reisn og von í kjölfar þjóðarmorðsins í landinu. Þær stigu byltingarkennt skref og brutu aldagamlar hefðir sem meinuðu konum að svo mikið sem snerta trommu. Úr varð Ingoma Nshya, fyrsta kvennatrommusveit Rúanda. Síðan þá hefur sveitin öðlast heimsfrægð auk þess að stuðla að auknu jafnrétti og sjálfstæði kvenna með gleði og vald­eflingu að leiðarljósi. 

Sýningin er saga þessara einstöku kvenna í formi tónlistar og frásagnar. Stofnandi hópsins, rúandska listakonan Kiki Katese, og rúansk-­kanadíska sópransöngkonan Ineza Mugisha sem flúði þjóðarmorðið með fjölskyldu sinni leiða áhorfendur í gegnum þessa stórbrotnu tón listar­sýningu þar sem bæði ný og klassísk tónlist Austur­ og Vestur­ Afríku fær að njóta sín. Undir heimsklassa trommu leik heyrum við sögurnar á bak við tónlistina; sögur um sigra og sorgir, flótta undan ofbeldi og sanna hamingju.

Sýningar:
11. júní kl. 20:00
12. júní kl. 20:00

Auðlesinn texti:

Ingoma Nshya er trommusveit frá Rúanda.

Einu sinni máttu konur ekki tromma í Rúanda.

Þetta var eftir hræðilegt þjóðarmorð í Rúanda.

Sýningin er á Stóra sviðinu í Borgarleikhúsinu.

Listahátíð í Reykjavík fer fram 30. maí - 14. júní 2026.

VALMYND

Laugardaginn 30. maí var Listahátíð í Reykjavík sett í 35. sinn við hátíðlega athöfn í Listasafni Reykjavíkur, Hafnarhúsi. Gestir fjölmenntu á opnunarhátíðina þar sem boðið var upp á tónlist, dans, myndlist og fjölbreytta dagskrárliði sem gáfu innsýn í það sem fram undan er á hátíðinni. Dagurinn einkenndist af gleði, eftirvæntingu og lifandi menningarlífi víðs vegar um miðborgina.

Fram undan eru 16 dagar af listviðburðum þar sem boðið verður upp á um 60 viðburði af öllu tagi. Að hátíðinni koma hátt í 1.300 listamenn frá Íslandi og erlendis sem skapa einstakt tækifæri til að upplifa fjölbreytta samtímalist, tónlist, sviðslistir og skapandi verkefni fyrir alla aldurshópa.

Einn af hápunktum dagsins var frumflutningur tónverksins Loftvægi eftir Samúel Jón Samúelsson á Hörputorgi þar sem fjórar skólahljómsveitir Reykjavíkur sameinuðust í kraftmiklum flutningi með hátt í 600 ungmennum. Gestir nutu einnig loftfimleika- og dansverksins The Air Between Us, sýninga í söfnum borgarinnar og fjölbreyttrar dagskrár sem markaði upphaf hátíðarinnar.

Dagurinn endaði svo með opnun Klúbbs Listahátíðar í Iðnó. Fyrir utan húsið hófst þátttökuverkið Brothætt, þar sem gestir eru hvattir til að umbreyta brotnum munum í sameiginlegt listaverk og stendur yfir alla hátíðina. Inni í Klúbbnum var síðan frumsýnt dansverkið Move With Pride eftir Rebeccu „Ondina“ Hidalgo í samstarfi við Íslenska dansflokkinn. Verkið, sem sameinar dans, tónlist og persónulegar frásagnir, var stórbrotið sjónarspil sem hreif áhorfendur með sér. Húsið var troðfullt og stemningin einstök þegar verkið setti tóninn fyrir líflegt opnunarkvöld og geggjaða dagskrá Klúbbsins á hátíðinni. Allir viðburðir Klúbbs Listahátíðar eru gjaldfrjálsir og opnir öllum.

Listahátíð í Reykjavík 2026 er hafin

Laugardaginn 30. maí verður Listahátíð í Reykjavík sett í 35. sinn og er dagurinn stútfullur af spennandi og fjölbreyttum viðburðum.

Opnunarhátíðin hefst í Listasafni Reykjavíkur, Hafnarhúsi, þar sem boðið verður upp á brot úr nokkrum viðburðum hátíðarinnar, ávörp og léttar veitingar. Samhliða er yfirlitssýning á verkum Karin Sander opnuð. 

Í kjölfarið leiða Skólahljómsveitir Reykjavíkur borgarbúa að Hörputorgi þar sem frumflutt verður verkið Loftvægi eftir Samúel Jón Samúelsson. Í verkinu sameinast skólahljómsveitirnar fjórar með hátt í 600 ungmenni .

Loftfimleika-dansverkið The Air Between Us verður svo sýnt tvisvar sinnum á Hörputorgi, Sinfóníuhljómsveit Íslands flytur eitt stærsta sinfóníska verk sögunnar á tónleikum í Eldborg og Fischersund opnar verk sitt Þokuloft í gróðurhúsinu á Lækjartorgi þar sem upplifa má ilmheim hátíðarinnar. Sýningar James Merry og Bjarkar opna í Listasafni Íslands og svo er tilvalið að enda daginn í opnunarpartýi Klúbbs Listahátíðar í Iðnó þar sem danssýningin Move with Pride fer fram.

Listahátíð í Reykjavík leggur ríka áherslu á aðgengi og er sífellu að leita leiða til að bæta auka aðgengi á hverri hátíð. Í ár er boðið upp á nokkrar nýjar leiðir í túlkun og textun hátíðar. 

Nokkrir valdir viðburðir á Listahátíð verða táknmálstúlkaðir. Að auki verður í fyrsta sinn hægt að bóka táknmálstúlk frá Hröðum höndum á viðburði og reynt eftir bestu getu að verða að þeim óskum.

Í samstarfi við Tiro verður í fyrsta sinn boðið upp á rauntímatextun á viðburðum þar sem talað mál er í fyrirrúmi. Tiro er tæknifyrirtæki sem sérhæfir sig í sjálfvirkri talgreiningu fyrir íslenskt talmál yfir í ritaðan texta. Þau hafa verið að þróa lausn fyrir lifandi viðburði sem verður í notkun á nokkrum viðburðum á Listahátíð. Hægt verður að sjá textann í símanum með því að skanna QR kóða sem verða á staðnum á öllum textuðum viðburðum.

Hér fyrir neðan má sjá alla táknmálstúlkaða og textaða viðburði á hátíðinni.

Opnunarhátíð Listahátíðar í Reykjavík, 30. maí kl. 14:00 í Hafnarhús Listasafns Reykjavíkur. 

Hátíðin verður táknmálstúlkuð auk þess sem hún verður textuð. Aðgangur er ókeypis. 

Brúðusöngleikurinn Rót í Tjarnarbíó, 4. júní kl. 18:00

Sýningin verður táknmálstúlkuð af Hröðum höndum. Það eru frátekin sæti fyrir táknmálsfók þar sem þau sjá túlkinn vel og geta notið sýningarinnar. Hægt er að kaupa miðana hér en miðarnir í þessi sæti verða fráteknir til 30. maí.  Eftir það er hægt að kaupa almenna miða, en ekki hægt að ábyrgjast að þá séu laus sæti sem henta vel til að sjá túlk.

Ævintýri í skynsegin rými, í Klúbbi Listahátíðar í Iðnó, 11. júní kl. 13:00

Fjölbreyttur hópur einhverfs og skynsegin listafólks opnar dyrnar að skapandi skynsegin rými. Í boði verða sýningar, gjörningar, upplestrar, umræður, skapandi tilraunir og fleira, í nýstárlegu samhengi og rými hönnuðu frá sjónarhóli skynsegin fólks.

Atriði í dagskrá þar sem talað mál er í forgrunni verða táknmálstúlkuð.

Leiðsögn á táknmáli, 14. júní kl. 14:00 í Hafnarhúsinu, Listasafni Reykjavíkur

Leiðsögn á táknmáli um sýninguna Karin Sander 1957-2057 í Hafnarhúsi Listasafns Reykjavíkur. Í kjölfarið verður farið á Ilmheim Listahátíðar eftir Fischersund í Gróðurhúsinu á Lækartorgi. Bryn Nóel Francis, táknmálsfræðingur og listfræðingur, verður með leiðsögnina. Aðgangur er ókeypis.

Aðrir viðburðir
Hægt er að óska eftir túlkun frá Hröðum höndum á aðra viðburði á dagskrá hátíðarinnar sem og viðburði í Klúbbnum þar sem talað mál er í fyrirrúmi. Bóka þarf túlkun amk. 3 dögum fyrir auglýstan viðburð, með því að senda póst á hradarhendur@gmail.com. Athugið að á suma viðburði er líka nauðsynlegt að bóka miða.

Allar beiðnir um túlkun verða teknar til athugunar og reynt að verða við þeim eftir fremsta megni.

Kvöldkaffi með Stefáni Ragnari, 3. júní kl. 21:30 í Klúbbi Listahátíðar í Iðnó.

Rætt verður við Stefán Ragnar um glæstan feril hans sem flautuleikari hjá nokkrum af virtustu sinfóníuhljómsveitum í heimi. Aðgangur er ókeypis. Viðburðurinn fer fram á íslensku og er textaður. 

Listamannaspjall: Open Grouo & Matra Czyż, 4. júní kl. 12:30 í Klúbbi Listahátíðar í Iðnó.

Listamannaspjall með Marta Czyż og Open Group um sýninguna Ode to Freedom í Nýlistasafninu. Open Group hefur á undanförnum árum vakið alþjóðlega athygli fyrir áhrifarík verk sem unnin eru í ýmsum miðlum og fjalla um innrásarstríð Rússlands í Úkraínu. Aðgangur er ókeypis. Viðburðurinn fer fram á ensku og er textaður.

Nærmynd með Hildi Guðnadóttur og Sinfóníuhljómsveit Íslands, 4. júní kl. 19:30 í Eldborg.

Flutt eru verk eftir Hildi Guðnadóttur og verk sama hafa haft áhrif á hana. Hildur segir gestum frá verkunum. Aðgangur er ókeypis. Viðburðurinn fer fram á íslensku og er textaður. 

Hagyrðingakvöld, 5. júní kl. 20:00 í Klúbbi Listahátíðar, Iðnó.

Öllu verður til tjaldað á hagyrðingakvöldi í Klúbbnum þegar landskunnir hagyrðingar stíga á stokk og kasta fram stökum um það sem efst er á baugi, bæði menn og málefni. Þá mun hin einstæða kvæðamannasveit Tríó Zimsen troða upp. Aðgangur er ókeypis. Viðburðurinn fer fram á íslensku og er textaður. 

Ilmtónleikar Fischersunds, 5. júní kl. 21:00, Austurbæjarbíó.

Ilmtónleikar Fischersunds eru einstök upplifun þar sem ilmur, tónlist og myndlist renna saman í sannkallað skynjunarferðalag sem kitlar nef, eyru og augu áhorfenda. Viðburðurinn er textaður. Hægt er að kaupa miða hér. 

Kvöldkaffi með Hildi Guðnadóttur, 7. júní kl. 20:00 í Klúbbi Listahátíðar, Iðnó.

Samtal við hátíðarlistamanninn Hildi Guðnadóttur. Hildur er eitt fremsta kvikmyndatónskáld samtímans og margverðlaunuð fyrir störf sín, hlaut til dæmis Emmy- og Grammyverðlaun árið 2019 fyrir tónlistina í sjónvarpsþáttunum Chernobyl og Óskarsverðlaun árið 2020 fyrir tónlistina við kvikmyndina Joker. Á dagskrá Listahátíðar verða þrír viðburðir þar sem tónlist Hildar er í fyrirrúmi. Aðgangur er ókeypis. Viðburðurinn fer fram á íslensku og er textaður.

Listamannaspjall: Himna, 8. júní kl. 12:00 í Klúbbi Listahátíðar, Iðnó

Fróðlegt listamannaspjall með þeim Peder Bjurman og Lindu Boļšakova sem ræða verk sín á sýningunni Himnu í Norræna húsinu. Á sýningunni rannsakar listafólk jarðveg sem vettvang endurnýjunar, rotnunar, minninga og ímyndunarafls. Sýningarstjóri er Thomas Pausz sem einnig stýrir spjallinu en spjallið fer fram á ensku. Aðgangur er ókeypis. Viðburðurinn er textaður. 

Ingoma! A Revolution in Rhythm, 11. og 12. júní kl. 20:00, Borgarleikhúsinu.

Sannkölluð gleðisprengja með trommuleik, dansi og söng frá hinni heimsþekktu sveit Ingoma Nshya, fyrstu kvennatrommusveit Rúanda. Í Rúanda þýðir orðið ingoma bæði vald og tromma. Sýningin fer fram á ensku og er textuð. Hægt er að kaupa miða hér.

Nowhere, 12. og 13. júní kl. 20:00, Tjarnarbíó.

Í þessum margslungna og gáskafulla einleik fer leikarinn og aktivistinn Khalid Abdalla (United 93, The Kite Runner, The Crown) með okkur í óvænt ferðalag um eigin sögu í landslagi stórbrotinna heimsviðburða.

Sýningin fer fram á ensku og er textuð. Hægt er að kaupa miða hér. 

Táknmálstúlkaðir og textaðir viðburðir á Listahátíð í Reykjavík

Listahátíð í Reykjavík hefst 30. maí!

Í Klúbbnum er boðið upp á fjölda spennandi viðburða á meðan á hátíð stendur.

Listahátíð í Reykjavík fer fram 30. maí til 14. júní 2026.

Listahátíð í Reykjavík 2026 er í fullum gangi og er frá 30. maí til 14. júní 2026. 

Listahátíð er vettvangur fyrir listsköpun í hæsta gæðaflokki frá öllum heimshornum en á líka í kröftugu og lifandi sambandi við almenning í landinu og leitast við að tendra áhuga sem flestra til að taka þátt og njóta lista á eigin forsendum. 

Listahátíð fagnar fjölbreytileika mannlífsins og setur aðgengi og virðingu fyrir umhverfinu í forgang. Við verkefnaval hefur hátíðin faglegan metnað, kjark, lífsgleði og stórhug að leiðarljósi. 

Við hlökkum til að sjá ykkur öll á Listahátíð!

Ingoma! A Revolution in Rythm

Velkomin á Listahátíð í Reykjavík

Dagskrá

Stefán Ragnar

viibra: Venutian Wetland

Ingoma! A Revolution in Rhythm

Klúbbur Listahátíðar

Festival Hub

Fréttir

Listahátíð í Reykjavík 2026 er hafin

Listahátíð hefst 30. maí

Táknmálstúlkaðir og textaðir viðburðir á Listahátíð í Reykjavík

Skráðu þig á póstlista