Listahátíð í Reykjavík fer fram 30. maí - 14. júní 2026.

VALMYND

Hjá Listahátíð í Reykjavík viljum við að öll geti notið lista og menningar. Hér má nálgast meiri upplýsingar um viðburðina okkar fyrir þau sem vilja kynna sér umfjöllunarefni og umgjörð þeirra.

12 tíma langt sviðsverk þar sem gestum er velkomið að ganga inn og út úr salnum hvenær sem þeim hentar. Verkið fer að mestu fram á íslensku en hlutar þess fara fram á ensku. Á einum tímapunkti er töluð pólska með íslenskri túlkun. Verkið er allt táknmálstúlkað á íslenskt táknmál. Þátttakendur í verkinu eru spurðir spurninga af spyrlum og því er ekki hægt að segja nákvæmlega til um hvað fer fram á sviðinu hverju sinni eða hvað er sagt, búast má við því að fjallað sé um fæðingu, kynlíf og dauða í verkinu. Börn eru velkomin í fylgd með fullorðnum. Vegna óvissuþátta í verkinu er ekki hægt að fullyrða að allir hlutar þess séu við hæfi barna. Foreldrar þurfa því að meta það hverju sinni. 

Hljóðstig viðburðarins er milt og hljóðheimur þess mest megnis talað mál. Mild lýsing sem líkir eftir dagsljósi er í rýminu. Hleypt er úr konfetti fallbyssu á einum tímapunkti. Áhorfendur munu vita hvenær það gerist. Ekki er ætlast til þátttöku áhorfenda en þeim býðst að smakka mat.

12 lokalög

Verkið er útisýning á skúlptúrum. Á opnunardeginum fer einnig fram námskeið í að framleiða góðgæti fyrir fugla. Uppskriftir og leiðbeiningar verða á íslensku og ensku en aðstoð verður veitt þeim sem kunna hvorugt. Engin sérstök tungumálakunnátta er nauðsynleg til að njóta sýningarinnar. Í uppskriftum vinnusmiðjunnar eru fræ sem gætu verið ofnæmisvaldandi. Búast má við hefðbundnum klið í fólki innan dyra og fuglasöng/gargi við tjörnina. Verkið er sýnt við dagsbirtu og milda innibirtu. Fuglar gætu flogið yfir áhorfendur við tjörnina. Áhorfendur þurfa ekki að svara neinum spurningum en samskipti við leiðbeinendur verða að mestu leyti á þeirra forsendum. Engin verða beðin um að stíga á stokk. Áhorfendum er boðið að móta og búa til mat. Við hæfi barna. Í vinnusmiðjunni þurfa ung börn (6 ára og yngri) að vera í fylgd með fullorðnum.

Á milli mála: fiður, fingur, fálmarar

Myndlistarverk. Engin sérstök tungumálakunnátta er nauðsynleg til að njóta sýningarinnar. Textar um verkin eru á íslensku og ensku. Hefðbundin myndlistarlýsing er í rýminu, ma. kastarar. Sum verkanna eru hengd hátt á vegg. Gestir þurfa að fara úr skóm við komu. Viðburðurinn er við hæfi barna.

Brot úr framtíð

Dansverk á Stóra sviðinu í Borgarleikhúsinu þar sem er takmarkaður fjöldi hjólastólastæða. Best er að hafa samband við miðasölu til að bóka stæði fyrir hjólastól. Í verkinu er spiluð hávær tónlist og hljóðstig er almennt hátt. Í salnum er dimmt og notast er við leikhúslýsingu. Engin blikkandi strobe-ljós eru í sýningunni. Í sýningunni eru notaðar grímur og reykur. Einn dansari mun fljúga fyrir ofan sviðið. Áhorfendur verða hugsanlega hvattir til að klappa og þeir verða beðnir að dansa í sætunum. Verkið er á íslensku og er textatúlkað fyrir döff/heyrnarskert fólk og sjónlýst. Viðburðurinn er við hæfi barna.

Dúettar

Dansverk sem er ekki háð tungumáli. Hentar vel fyrir fólk með skerta heyrn. Aukið aðgengi er fyrir blinda og sjónskerta sem býðst að koma fyrr á sýninguna og kynnast sviðsmynd og dönsurum. Til að nýta sér það þarf að senda tölvupóst á tinna@artfest.is og bóka tíma.

Áhorfendur ganga inn í sal og á sviðið sem er fullt af þykkum reyk sem dofnar smám saman eftir því sem líður á verkið. Sviðsmyndin er úr þunnu silki sem er staðsett ofan við áhorfendur og umlykur rýmið sem áhorfendur sitja í. Áhorfendum er boðið að sitja eða liggja inni í sviðsmyndinni á mjúkum mottum. Ekki er ætlast til beinnar þátttöku áhorfenda í sýningunni. Birtustig er lágt og áhorfendum boðið að stilla sig inn á önnur skynfæri.

Það slokkna öll ljós í um það bil 30 sekúndur tvisvar sinnum í verkinu og áhorfendur geta misst áttir í rýminu. Hljóðstig viðburðarins er milt. Þau sem þurfa geta fengið sæti. Hjólastólaaðgengi er gott.

Flökt

Myndbandsverk. Nýir Íslendingar og fólk með erlendan bakgrunn er sérstaklega hvatt til að sækja viðburðinn. Verkið er við hæfi barna. Óháð tungumálakunnáttu.

Hér á ég heima

Myndlistarsýning, ekki háð tungumálakunnáttu. Merkingar á verkum eru á íslensku og ensku. Viðburðurinn er við hæfi barna. Hefðbundin lýsing á myndlistarsýningu. 

Í lausu lofti

Tónlistarviðburður án hlés, tungumálakunnátta óþörf. Söngtextar á íslensku verða í útprentaðri efnisskrá tónleikanna og í pdf útgáfu á vef hljómsveitarinnar. Upplýsingar um efnisskrá á ensku eru aðgengilegar á vef Sinfóníuhljómsveitarinnar. 

Viðburðurinn er við hæfi ungmenna en ekki barna.

Hljóðstyrkur er frá lágum uppí hæsta styrk sem akústík sinfóníuhljómsveit getur framreitt. Hefðbundin tónleikalýsing í Eldborg.

Mahler nr. 3

Dansverk þar sem áhorfendur geta gengið um rýmið til að upplifa verkið frá mismunandi sjónarhornum. Boðið er upp á sæti fyrir þau sem þurfa. Flytjendur og áhorfendur eru saman á gólfinu og það er ekkert eiginlegt svið. Ekki er krafist beinnar þátttöku áhorfenda og hægt að standa til hliðar við verkið. Engin sérstök tungumálakunnátta er nauðsynleg til að njóta verksins. 

Í verkinu koma fyrir skyndileg, hávær hljóð og hljóðstyrkur er einstaka sinnum mjög mikill í stutta stund í senn. Dansararnir hafa ljós á líkamanum og rýmið verður lýst upp að hluta en er aldrei alveg myrkvað. Viðburðurinn er ekki við hæfi mjög ungra barna.

Materize

Tónlistarviðburður þar sem lifandi tónlist er flutt af sinfóníuhljómsveit í opnu rými. Engin sérstök tungumálakunnátta er nauðsynleg til að njóta verksins. Hljóðstig viðburðarins er í meðallagi. Texti í rýminu verður á íslensku og ensku. Áhorfendur geta gengið um rýmið eins og þeir vilja til að upplifa tónlistarinnsetninguna frá mismunandi sjónarhornum. Boðið er upp á sæti til að hvíla sig. Ekki er ætlast til þátttöku áhorfenda. Viðburðurinn er ekki við hæfi mjög ungra barna. 

METAXIS

Tónlistar- og myndlistarverk. Engin sérstök tungumálakunnátta er nauðsynleg til að njóta verksins. Textar um verkið eru á ensku og íslensku. Hefðbundin sviðslýsing er í rýminu og hljóðstyrkur 100-120 db. Viðburðurinn er við hæfi barna. 

Niður

Viðburðir á aðaldagskrá

Tónlistarviðburður. Engin sérstök tungumálakunnátta er nauðsynleg til að njóta viðburðarins.  Einföld tónleikalýsing. Bjart á sviði og rökkvað í sal. Hljóðstyrkur hefðbundinn miðað við almenna tónleika.

Apex Anima & FRZNTE

Viðburðurinn er spjallborð þar sem umræður fara fram á íslensku og ensku. Viðburðurinn er við hæfi barna. 

Second hand knowledge: Upplestur á handriti á íslensku, í boði verður að fá handrit á ensku til að fylgjast með. Mild, björt lýsing í sal. Gestir taka þátt í að lesa upp úr handriti.  

Open stage: Flutningur á dansverkum í vinnslu. Þar sem verkin eru enn í vinnslu geta óvænt atvik komið upp. Einföld lýsing, rökkvun í sal. Spjall í lok viðburðar þar sem áhorfendum er boðið að spyrja spurninga. 

Dansíókí: Heldur dimmur salur með lágum, mjóum ljósum. Áhorfendum er boðið að stíga út á gólf og dansa með. 

Dansinn í Klúbbnum

Tónlistarviðburður. Engin sérstök tungumálakunnátta er nauðsynleg til að njóta viðburðarins. Einföld tónleikalýsing. Bjart á sviði og rökkvun í sal. Hljóðstyrkur hefðbundinn miðað við tónleika. Viðburðurinn er við hæfi barna. 

Djasskrakkar

Tónlistarviðburður, ekki háður tungumálakunnáttu. Blikkandi/leiftrandi myndir, strobe-ljós og skær gervilýsing. Hljóðstyrkur er mikill. 

Drengurinn fengurinn

Tónlistarviðburður þar sem hljóðstyrkur er í meðallagi. Viðburðurinn er lýstur á náttúrulegan hátt með möguleika á frekari lýsingu við svið. Áhorfendum er boðið að dansa ef þeir kjósa það. Viðburðurinn er við hæfi barna. 

Drif

Námskeið á íslensku og leiðbeiningar í boði á ensku líka. Viðburðurinn er við hæfi barna. Þátttakendum er boðið að búa til búninga og grímur. Möguleiki er á háværum hljóðum. Þátttakendur spila á hljóðfæri og þá getur hljóðstyrkur orðið hár. Mild lýsing í salnum á meðan námskeiði á stendur. Dimmara í sal og lýsing á sviði í lok námskeiðsins. Öll taka þátt, þátttakendur ávörpuð saman og enginn tekinn sérstaklega upp. Þátttakendur skrifa texta á námskeiðinu og ómögulegt að vita hvað þau munu yrkja um.

Fjölskyldupönk

Þátttökuverk á íslensku þar sem áhorfendur eru gestir í veislu. Áhorfendum býðst að taka þátt í verkinu en geta einnig gengið um rýmið án þess að taka beinan þátt. Hugsanlega verða áhorfendur beðnir um að svara spurningu en þeim er frjálst að velja hvort þeir svari eða ekki. Hljóðstyrkur viðburðarins er í meðallagi, tónlist og kliður. Dagsbirta og lág ljós í sal. 

Fjallað er um aldursfordóma í verkinu og leiðir til að sporna við þeim í tækifærisræðum listafólks. 

Fögnuður fullorðinna

Hljóðverk þar sem margar raddir lesa texta á ólíkum tungumálum. Í seinni hluta verksins fara fram umræður á ensku. Áhorfendum er boðið að spyrja spurninga og taka þátt í umræðum. Salurinn er lýstur með dagsbirtu og mildum inniljósum.

Mannaós

Engin sérstök tungumálakunnátta er nauðsynleg til að njóta verksins. Viðburðurinn er bæði alveg myrkvaður og mikið lýstur með ónáttúrulegu ljósi. Notast er við strobe-ljós og reyk í verkinu.  

Í sýningunni er nekt að hluta og vísað til kynlífs. Í sýningunni er kynferðislegt látbragð.

POPera

Viðburðurinn er upplifun sem fer fram á ensku. Lýsing á viðburðinum er náttúruleg. Lág tónlist í bakgrunni og kliður. Áhorfendum er boðið að taka þátt í göngu, bragða mat og plöntur og taka þátt í í eldamennsku, upp að því marki sem hverjum og einum hentar.

Ruslveisla

Viðburðir í Klúbbi Listahátíðar

Auka aðgengisupplýsingar fyrir viðburði