Listahátíð í Reykjavík fer fram 30. maí - 14. júní 2026.

VALMYND

Ákveðið hefur verið að ráða Tinnu Grétarsdóttur í stöðu framkvæmdastjóra Listahátíðar í Reykjavík til næstu fjögurra ára.

Tinna lauk meistaragráðu í verkefnastjórnun frá Háskólanum í Reykjavík árið 2023 og BA gráðu í samtímadansi frá Listaháskólanum í Osló árið 1998. Hún hefur gegnt stöðu framkvæmdastjóra Dansverkstæðisins frá árinu 2012 og var verkefnastjóri viðburða á síðustu Listahátíð þar sem hún meðal annars sá um skipulagningu vinnu sjálfboðaliða. Á árunum 2012 - 2022 var Tinna listrænn stjórnandi sviðslistahópsins Bíbí & Blaka og hefur sinnt stundakennslu við sviðslistabraut Listaháskóla Íslands frá árinu 2016. Á árunum 2023-2024 sat Tinna í starfshóp um nýja sviðslistastefnu á vegum Menningarmálaráðuneytisins.

“Listahátíð í Reykjavík er einstök hátíð sem hefur fært okkur magnaða viðburði, stóra sem smáa í yfir 50 ár. Að fá að taka þátt í skipulagningu og undirbúningi hátíðarinnar eru forréttindi og ég er ótrúlega þakklát Láru Sóleyju og stjórn hátíðarinnar fyrir tækifærið” segir Tinna.

„Ég hlakka mikið til samstarfsins við Tinnu en reynsla hennar af rekstri, áætlanagerð, styrkumsóknum og starfsmannahaldi mun nýtast afar vel í starfi framkvæmdastjóra. Hún hefur mikilvæga innsýn í menningarlíf þjóðarinnar og tengingar við íslenskt og erlent listafólk. Framundan eru spennandi verkefni þar sem stefna hátíðarinnar verður endurskoðuð og drög lögð að dagskrá næstu hátíðar sem fram fer 30. maí – 14. júní 2026. Ég veit að í sameiningu munum við leggja okkur fram um að eiga í farsælu samstarfi við framúrskarandi listafólk og færa landsmönnum einstök tækifæri til þess að njóta framsækinna listviðburða,” segir Lára Sóley Jóhannsdóttir, listrænn stjórnandi.

Tinna tekur við stöðunni af Fjólu Dögg Sverrisdóttur sem gegnt hefur stöðu framkvæmdastjóra frá árinu 2017 með framúrskarandi árangri og þakka listrænn stjórnandi og stjórn Listahátíðar Fjólu fyrir allt hennar góða starf í þágu hátíðarinnar.

Umsóknarfrestur um starf framkvæmdastjóra Listahátíðar í Reykjavík rann út 12. desember síðastliðinn og sóttu alls 27 einstaklingar um starfið.

Listahátíð í Reykjavík fer næst fram dagana 30. maí til 14. júní 2026. 

Nýr listrænn stjórnandi, Lára Sóley Jóhannsdóttir, vinnur nú að mótun dagskrár næstu hátíðar. Á nýju ári verður hafist handa við að endurskoða og þróa áfram stefnur hátíðarinnar í samstarfi við fjölbreyttan hóp samstarfsaðila hátíðarinnar. Að því loknu verður kallað eftir tillögum að spennandi verkefnum fyrir hátíðina. 

Takið 30. maí til 14. júní 2026 strax frá og fylgist vel með miðlum Listahátíðar til að missa ekki af neinu.

Ljósmynd: Dansarar úr Íslenska dansflokknum sýna úr verkinu While in battle I am free, never free to rest á opnun Listahátíðar 1. júní 2024 í Hafnarhúsi Listasafns Reykjavíkur. 
Ljósmyndari: Juliette Rowland

Dagsetningar Listahátíðar 2026 tilkynntar!

Listahátíð í Reykjavík auglýsir eftir framkvæmdastjóra. Leitað er að einstaklingi með þekkingu á rekstri og stjórnun ásamt þekkingu og áhuga á íslensku menningarlífi.

Framkvæmdastjóri hefur umsjón með fjármálum og rekstri húsnæðis og sinnir meðal annars innlendum og alþjóðlegum samskiptum, samningagerð og starfsmannahaldi.

Framkvæmdastjóri vinnur náið með listrænum stjórnanda hátíðarinnar og er ráðinn til fjögurra ára í senn.

Fjárhagsáætlanagerð, eftirfylgni og uppgjör.

Samningagerð við listafólk, -stofnanir og styrktaraðila.

Eftirfylgni styrkumsókna og fjáröflun fyrir hátíðina.

Þátttaka í markaðs- og kynningarmálum.

Reynsla af stjórnun og rekstri, þ.m.t. uppgjörum, áætlanagerð og eftirfylgni.

Leiðtogahæfileikar og skapandi hugsun við verkstjórn og framkvæmd verkefna.

Góð hæfni í mannlegum samskiptum, metnaður og jákvætt viðmót.

Góð færni í íslensku og ensku í ræðu og riti.

Listahátíð í Reykjavík var stofnuð árið 1970 og stendur fyrir alþjóðlegri listahátíð annað hvert ár. Hátíðin er í stöðugri þróun. Aðild að Listahátíð í Reykjavík eiga menningar- og viðskiptaráðuneytið, Reykjavíkurborg og fulltrúaráð sem er skipað helstu lista- og menningarstofnunum.

Umsókn um starfið skal fylgja ítarleg starfsferilsskrá og kynningarbréf á íslensku þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. 

Við hvetjum öll áhugasöm, óháð kyni og uppruna, til að sækja um.

Nánari upplýsingar um starfið veita Auður Bjarnadóttir (audur@vinnvinn.is) og Margrét Stefánsdóttir (margret@vinnvinn.is).

Umsóknarfrestur er til og með 12. desember nk.

Framkvæmdastjóri Listahátíðar í Reykjavík

Takk fyrir komuna á Listahátíð 2024

Aðrar fréttir

Tinna framkvæmdastjóri Listahátíðar

Dagsetningar Listahátíðar 2026 tilkynntar!

Framkvæmdastjóri Listahátíðar í Reykjavík