Starfsfólk og stjórn

Listahátíð í Reykjavík er sjálfseignarstofnun og starfar samkvæmt þríhliða samningi við Reykjavíkurborg og menningar- og viðskiptaráðuneyti, sem eru stofnaðilar hátíðarinnar. Framlag þeirra gegnir grundvallarhlutverki í því að tryggja rekstur og velgengni hátíðarinnar.

Stjórn Listahátíðar ber ábyrgð á rekstri hennar og fjárreiðum. Hún er skipuð þremur stjórnarmönnum. Fulltrúar menningar- og viðskiptaráðherra og borgarstjóra í Reykjavík gegna til skiptis formennsku og varaformennsku, í tvö ár í senn. Þriðji stjórnarmeðlimur er kosinn af fulltrúaráði á tveggja ára fresti.

Listrænn stjórnandi er ráðinn af stjórn. Hann er yfirmaður Listahátíðar og ber ábyrgð gagnvart stjórn á öllum rekstri hátíðarinnar í listrænu og fjárhagslegu tilliti.