Til baka
Til baka
#reykjavikartsfestival2018 #listahatid2018

Eyrarrósin

Frú Eliza Reid forsetafrú og verndari Eyrarrósarinnar og Mireya Samper frá Ferskum vindum við afhendingu verðlaunanna 2018.

Eyrarrósin er viðurkenning fyrir framúrskarandi menningarverkefni á starfssvæði Byggðastofnunar. Markmið Eyrarrósarinnar er að beina sjónum að og hvetja til menningarlegrar fjölbreytni, nýsköpunar og uppbyggingar, á sviði menningar og lista. Byggðastofnun, Air Iceland Connect og Listahátíð í Reykjavík hafa staðið saman að verðlaununum frá upphafi, eða frá árinu 2005.

Umsækjendur um Eyrarrósina geta meðal annars verið stofnun, tímabundið verkefni, safn eða menningarhátíð. Valnefnd, skipuð fulltrúum Byggðastofnunar, Listahátíðar í Reykjavík og Flugfélags Íslands ásamt einum menningarfulltrúa á starfssvæði Byggðastofnunar tilnefnir þrjú verkefni og hlýtur eitt þeirra Eyrarrósina ásamt veglegum peningaverðlaunum. Hin tvö tilnefndu verkin hljóta einnig peningaverðlaun.

Umsóknarfrestur vegna Eyrarrósarinnar 2019 er til miðnættis 7. janúar 2019. Sótt er um á umsóknarformi Eyrarrósarinnar hér.

Verndari Eyrarrósarinnar er Eliza Reid, forsetafrú.