Sæskrímslin

Risavaxið íslenskt götuleikhús á hafnarbakkanum

Á opnunardegi Listahátíðar birtast ótrúlegar kynjaverur í kringum höfnina í Reykjavík þegar sirkuslistahópurinn Hringleikur og leikgervastúdíóið Pilkington Props taka höndum saman í nýju, íslensku götuleikhúsverki fyrir alla fjölskylduna.

Hvað er að gerast á hafnarbakkanum? Fréttir hafa borist af því að togari á veiðum rétt fyrir utan landgrunnið hafi fengið risavaxna og áður óþekkta lífveru í trollið. Skömmu síðar varð hann vélarvana og sendi út neyðarkall. Togarinn hefur nú verið dreginn í höfn. Á meðan beðið er eftir viðbrögðum vísindamanna við þessu furðufyrirbæri gefst almenningi einstakt tækifæri til þess að berja ferlíkið augum. Eru sæskrímsli úr þjóðsögum okkar komin fram í dagsljósið og hvaða skilaboð færa þau okkur?

Sæskrímslin láta ekki staðar numið eftir opnunarhátíðina heldur munu þau halda áfram ferð sinni um landið og koma við á fjórum stöðum til viðbótar.

Verkið var pantað sérstaklega af Listahátíð í Reykjavík.

Listrænir stjórnendur: Eyrún Ævarsdóttir (IS) & Jóakim Meyvant Kvaran (IS), Hringleikur 
Framleiðandi: Ragnheiður Maísól Sturludóttir (IS), MurMur Productions
Gervasmíði og hönnun: Daniel Adam Pilkington (GB/IS) & Thomas Burke (US/IS), Pilkington Props
Útlitshönnun: Brian Pilkington (GB/IS)
Leikgerð: Hildur Knútsdóttir (IS)
Tónskáld: Friðrik Margrétar- Guðmundsson (IS)
Öryggismál og rigger: Thomas Burke (US/IS)
Aðstoð við gervasmíði: Björg Einarsdóttir (IS)
Þjóðfræðingur: Dagrún Ósk Jónsdóttir (IS)
Meðframleiðandi: Listahátíð í Reykjavík (IS)
Flytjendur: Alejandro Bencomo (IS), Axel Diego (IS), Bjarni Árnason (IS), Bryndís Torfadóttir (IS), Daniel Adam Pilkington (GB/IS), Harpa Lind Ingadóttir (IS), Jóakim Meyvant Kvaran (IS), Lauren Charnow (US/IS), Thomas Burke (US/IS)
Einnig ungmenni á hverjum stað.