Til baka
Til baka
#reykjavikartsfestival2018 #listahatid2018
Tónlist

Upprisusinfónía Mahlers

Sinfóníuhljómsveit Íslands

1
jún.
Kl. 19:30
Harpa - Eldborg
Sjá kort

Hreyfihamlaðir hafa gott aðgengi í öllu húsinu. Í Eldborg eru tvö stæði fyrir hjólastóla sem eru gjaldfrjáls. Einnig er hægt að taka út sæti fyrir hjólastóla víða um salinn fyrir gesti sem kaupa miða.

Tónmöskvi er í Eldborg.

Nánari upplýsingar um aðgengi í Hörpu má finna hér: https://www.harpa.is/harpa/adkoma/

Upprisusinfónía Mahlers er ein stórfenglegasta sinfónía allra tíma. Hljómsveitin er risastór og nýtur sín til fulls í tignarlegum hápunktum, auk þess kallar Mahler til leiks tvær söngkonur og blandaðan kór. 

Upprisusinfónía Mahlers er ein stórfenglegasta sinfónía allra tíma. Hljómsveitin er risastór og nýtur sín til fulls í tignarlegum hápunktum, auk þess kallar Mahler til leiks tvær söngkonur og blandaðan kór. Osmo Vänskä þekkir tónmál Mahlers betur en flestir aðrir og hefur nýverið hljóðritað sinfóníuna með Minnesota- hljómsveitinni. 

Mótettukór Hallgrímskirkju er í fremstu röð íslenskra kóra og kemur hér fram í stækkaðri mynd eins og hæfir þessari risavöxnu sinfóníu. Þessir tónleikar eru stórviðburður sem enginn unnandi sinfónískrar tónlistar má missa af.  

Söngkonurnar sem hér koma fram eru í fremstu röð á heimsvísu. Christiane Karg hefur um árabil vakið aðdáun fyrir silkimjúka og tæra sópranrödd sína, er fastagestur við Covent Garden og La Scala-óperuhúsin og hefur tvívegis unnið til hinna virtu Echo Klassik-verðlauna. Bandaríska mezzósópran-söngkonan Sasha Cooke sérhæfir sig í flutningi á tónlist Mahlers og hefur meðal annars hlotið Grammy-verðlaun fyrir túlkun sína á verkum hans.

 

Hljómsveitarstjóri: Osmo Vänskä

Einsöngvarar: Christiane Karg og Sasha Cooke

Kór: Mótettukór Hallgrímskirkju