Til baka
Til baka
#reykjavikartsfestival2018 #listahatid2018
Tónlist Ópera

Brothers eftir Daníel Bjarnason

Íslenska óperan (ISL)

9
jún.
Kl. 19:30
Harpa - Eldborg
Sjá kort

Gott aðgengi er fyrir hreyfihamlaða í Hörpu. Í Eldborg eru tvö stæði fyrir hjólastóla sem eru gjaldfrjáls. Einnig er hægt að taka út sæti fyrir hjólastóla víða um salinn fyrir gesti sem kaupa miða. Tónmöskvi er í Eldborg.

Nánari upplýsingar um aðgengi í Hörpu: https://www.harpa.is/harpa/adkoma/

Fyrsta ópera Daníels Bjarnasonar hefur hlotið einróma lof gagnrýnenda í Danmörku. Óperan er byggð á kvikmyndinni Brothers eftir Susanne Bier og hlaut Íslensku tónlistarverðlaunin sem tónverk ársins 2018. 

Brothers er fyrsta ópera íslenska tónskáldsins Daníels Bjarnasonar og hlaut frábærar viðtökur jafnt áheyrenda sem gagnrýnenda þegar hún var frumsýnd í Danmörku haustið 2017. Verkið er byggt á samnefndri, margverðlaunaðri kvikmynd eftir Susanne Bier.

Sagan segir frá tveimur bræðrum sem hafa valið ólíkar leiðir í lífinu. Michael sinnir herþjónustu og nýtur velgengni í starfi og einkalífi. Yngri bróðirinn Jamie er flækingur sem hefur komist í kast við lögin. Eftir að Michael er sendur í stríð og snýr aftur, eftir að hafa verið haldið föngnum þar, hefur jafnvægið milli bræðranna breyst að eilífu.

Leikstjóri uppfærslunnar er Kasper Holten sem lét nýverið af störfum sem óperustjóri Covent Garden. Um er að ræða sömu uppfærslu og frumflutt var í Danmörku en flytjendur í Eldborg verða blanda íslenskra og erlendra söngvara. Leikstjóri og tónskáld mun segja frá uppfærslunni á undan sýningunni.

Brothers var valið tónverk ársins á Íslensku tónlistarverðlaununum 2018 og Daníel Bjarnason var valinn maður ársins í íslensku tónlistarlífi 2018.

Stjórnandi & höfundur: Daníel Bjarnason
Leikstjóri: Kasper Holten
Librettisti: Kerstin Perski
Söngvarar:  Jacques Imbrailo, Marie Arnet, Selma Buch Ørum Villumsen, Elmar Gilbertsson, Þóra Einarsdóttir, James Laing, Oddur Arnþór Jónsson, Jakob Christian Zethner & Hanna Dóra Sturludóttir.

Verkefnið er hluti af dagskrá aldarafmælis fullveldis Íslands. 
merki fullveldisafmælis Íslands

 

 

Gott aðgengi er fyrir hreyfihamlaða í Hörpu. Í Eldborg eru tvö stæði fyrir hjólastóla sem eru gjaldfrjáls. Einnig er hægt að taka út sæti fyrir hjólastóla víða um salinn fyrir gesti sem kaupa miða. Tónmöskvi er í Eldborg.

Nánari upplýsingar um aðgengi í Hörpu: https://www.harpa.is/harpa/adkoma/