Til baka
Til baka
#reykjavikartsfestival2018 #listahatid2018
Tónlist Úti Fjölskylduvænt Ókeypis

Bíótónar í baði

Breiðholt Festival (ISL)

9
jún.
Kl. 14:00
Ölduselslaug
Sjá kort

Breiðholt Festival býður gestum Listahátíðar að fljóta um í Ölduselslaug og hlusta á tónlist sem streymir úr hátölurum undir vatnsyfirborðinu. 

Breiðholt Festival býður gestum Listahátíðar að fljóta um í Ölduselslaug og hlusta á tónlist sem streymir úr hátölurum undir vatnsyfirborðinu. Tónverkin eiga það sameiginlegt að hafa verið samin fyrir kvikmyndir og sjónvarpsþætti af íslenskum tónskáldum sem tengjast Breiðholti með ýmsum hætti.

Flest verkanna hafa hlotið ýmsar tilnefningar og verðlaun. Pétur Ben hlaut Edduverðlaunin í ár fyrir tónlist sína við sjónvarpsþættina Fanga og Daníel Bjarnason hlaut Norrænu kvikmynda-tónskáldaverðlaunin fyrir tónlist sína við kvikmyndina Undir trénu. Þá mun hljóma tónlist Hildar Guðnadóttur og Jóhanns Jóhannssonar við Mary Magdalene, Ben Frost við Dark og Örvars Smárasonar og Gunnars Tynes (Múm) við Svaninn.

Eftir sundsprettinn er tilvalið að gæða sér á veitingum á alþjóðlega matarmarkaðnum á sundlaugarbakkanum.