Til baka
Til baka
#reykjavikartsfestival2018 #listahatid2018
Dans Myndlist Gjörningalist

Atómstjarna

Jóní Jónsdóttir (ISL), Steinunn Ketilsdóttir (ISL), Sveinbjörg Þórhallsdóttir (ISL)

8
jún.
9
jún.
Kl. 18:00-20:00 / 16:00-18:00 & 20:00-22:00
Ásmundarsalur
Sjá kort

Í dans -og myndlistarverkinu Atómstjarna er mannveran rannsökuð. Hún er krufin, rifin og  skorin í sundur, saumuð saman og skoðuð í stærra samhengi við umhverfi sitt, frá rótum sínum við jörðina til huga og himins. 

Hvað er mannvera? Úr hverju erum við búin til? Erum við öll af sama efninu? Hver er uppsprettan, kjarnahvarfið og hvar endum við? Hver eru landamæri líkamans, hvert teygir hann sig? Rennur hann saman við aðra líkama í einn stóran líkama? Líkama náttúrunnar, heimsins og geimsins?

Í dans- og myndlistarverkinu Atómstjarna er mannveran rannsökuð út frá þessum spurningum. Hún er krufin, rifin og  skorin í sundur, saumuð saman og skoðuð í stærra samhengi við umhverfi sitt, frá rótum sínum við jörðina til huga og himins. Ljósi er varpað á margbreytileika hennar og þær mörgu víddir, fleti, form og drauma sem hún hefur að geyma.

Líkaminn og hreyfing eru allsráðandi í dansinnsetningum, gjörningum, skúlptúrum, myndbandsverkum og hljóði í þessu þverfaglega upplifunarverki sem flutt verður í nýuppgerðum Ásmundarsal þar sem einstök saga hússins, andi þess og rými fléttast inn í verkið.

 

Höfundar: Jóní Jónsdóttir, Steinunn Ketilsdóttir og Sveinbjörg Þórhallsdóttir
Útlit sýningar: Eva Signý Berger og höfundar
Tónlist og hljóðheimur: Áskell Harðarson
Kvikmyndagerð: Freyr Árnason, Baldvin Vernharðsson og Pétur Már Pétursson
Listamenn / flytjendur: Anna Kolfinna Kuran, Díana Kristinsdóttir, Erla Rut Mathiesen, Ingvar E. Sigurðsson, Saga Sigurðardóttir, Sigurður Andrean Sigurgeirsson, Védís Kjartansdóttir, Sigrún Guðmundsdóttir

Framkvæmdastjórn: Erla Rut Mathiesen

 

Opnunartímar: 8.júní kl.18-20 / 9.júní kl. 16-18 & 20-22.

 

Styrkt af Reykjarvíkurborg, Leiklistarráði og launasjóði listamanna.

Í samstarfi við Ásmundarsal.